Kyrshan ki paidbah iaka NESO, thang tyngshop u Modi, Amit Shah & Agatha
JOWAI: Ka jingkhot pakhang shnong jong ka North East Student’s Organisation (NESO) ban pyrshah iaka jingpynlong aiñ ïaka Citizenship (Amendment) Bill kala ioh ka jingkyrshan kaba pura na u paidbah kumjuh ki sengbhalang naduh ka KSU, JSM, CoMSO bad kiwei kiwei haka sngi ba Ar
Ka NESO ka la khot pynlong ïa pakhang shnong kaba 11 kynta ka ban sdang naduh ka por 5:00 baje mynstep haduh 4:00 baje janmiet ha baroh kawei ka Thaiñ Shatei Lammihngi ka Ri India ban pyrshah ïaka Sorkar NDA ba la ïalam da ka BJP kaba la mynjur ïaka Citizenship (Amendment) Bill 2019
![](https://www.syllad.com/wp-content/uploads/2024/09/JIT-Vacancy-823x1024.avif)
Ha kane ka kynta pakhang shnong ha baroh kawei ka Jylla kala ktah iaka khaii ka pateng bad la lap ba ki lynti ki syngkieng kila tylli bad kynjah kumjuh ki ophis Sorkar
Ka Jaiñtia Student’s Movement (JSM) bad ka Khasi Students’ Union (KSU), Jaiñtia Students’ Union (JSU), Hynniewtrep Youth Council (HYC), CoMSO kila ai ka jingkyrshan kaba pura ïaka pakhang shnong ka NESO.
Ka JSM bad KSU kila pakhang iaki lynti da ki maw bad thang tyre ha East Jaintia Hills. Ka JSM kum ka jingpynrem halor ka jingmynjur jong ka sorkar NDA iaka CAB kala thang iaka tyngshop jong u Myntri Rangbah Duh ka Ri, u Narendra Modi, U Amit Shah Myntri kam pohiing ka ri bad ka Agatha Sangma MP jong ka NPP na Garo Hills kaba kyrshan ia kane ka CAB.
Ka JSM ka pynrem jur ïa ka sorkar kmie namar ka jingñiewbeiñ ïa ka jingsngew bad ka sur jong u paidbah jong ka thain Shatei Lam Mihngi (North East) kynthup iaka Jylla Meghalaya da kaba mynjur ïaka Citizenship Amendment Bill 2019 ha Lok Sabha ban ailad ïaki jaidbynriew na ka niam Hindu, Sikh, Buddhist, Jain, Parsi bad ki Khristan na Bangaldesh, Pakistan bad Afghanistan ba kin nym shah khein poiwir bad ban pynioh syrnod nongshong shnong ka Ri India.
Ka JSM bad ka KSU kila pynpaw ka jingsngewkhia halor ka jingmynujur ka sorkar NDA iaka CAB 2019 ha ïing dorbar thawaiñ Lok Sabha wat hapdeng ka jingpyrshah jur na ki ba bun ba lang ki nongshong shnong hapoh ka Ri India khamtam thain Shatei Lammihngi (North East) baroh kawei.
“Ngin nym shong kli kti bad ngin khynra naphang ïaki poiei kiba thmu ban rung sha kane ka Jylla naduh mynta ka sngi bad dawa ruh naka sorkar ban pyntreikam ïaka ILP ban iada ïaka jaidbynriew na ki poiwir bad ki bar ri,” la ong u Leningstar Rymbai President ka JSM.
Ka CoMSO kala thang tynshop ha kylleng ka jylla. Ki katto katne ki jaka ki long ka Khliehriat, Jowai, Shillong, Nongpoh, Mawkyrwat, Nongstoin, Williamnagar bad Tura.
Leave a Reply