Kyrshan pura ka Ladthadlaboh iaka jingkhangdam ba 36 kynta ka Iawmusiang Jowai

Syllad | The Rising MeghalayaApril 25, 2022

Ka Dorbar Shnong Ladthadlaboh kala pynbna paidbah ba kan ai jingkyrshan kaba pura iaka jingkhot khangdam ba 36 kynta jong ka Dorbar Shong Tympang Iawmusiang lashai ka sngi ba Ar 6AM haduh 6 Pm jong ka sngi Balang.

U Waheh Shnong Ladthadlaboh Ma LD Lakiang ula ong “Ngi ai ka jingkyrshan ba pura iaka Dorbar Shnong Tympang namar ba kane ka jingeh jong ki ñiut kala ktah ym tang iaka Iawmusiang, hynrei ia baroh kawei ka Jowai.”

“Halor kane ka nongrim ngi la rai ban ai ka jingkyrshan kaba pura iaka Tympang Iawmusiang, khnang ba ka sorkar kan pynioh mardor iaka jaka theh ñiut kaba pura namar ba hadien ka jinglumthup ki ñiut kala kylla long ka maw jynthud iaka iaid ka ieng bad wanrah iaka jingsma iwtung kaba shyrkhei kaba lah ban wanrah jingktah iaka koit ka khiah u briew,” la ong ma Lakiang.

Also Read | Shim ka Dorbar Shnong Tympang Iawmusiang iaka rai kaba tyngeh pynbna khangdam halor ka ñiut Jowai

“Ngi la rai ban khang ia baroh ki skul, ki ophis, ki iew ki hat bad kumjuh ki kali motor ym shah ban iaid hapoh pud u ang ka shnong,” la ong shuh shuh u Ma Lakiang.

U Ma Lakiang ula ong ba kiwei kiwei ki dong naduh ka Salaroh, Mookyrdup, Caroline Colony bad kiwei ruh kila ai ka jingkyrshan kaba pura ia kane ka jingkhangdam.