Kyrshan pura ka Seng Samla Shnong Umkiang ia ka KSU-EJH halor ka jingiakhih na ka bynta ka surok NH-6

Syllad | The Rising MeghalayaSeptember 20, 2023

Ka Seng Samla Shnong Umkiang (SSSU), East Jaintia Hills ka ai iaka jingkyrshan kaba pura ia ka baroh ki kynhun Seng  khamtam ia ka KSU -EJH Unit kaba la mih shakhmat  ban pynlong da ka jingiakhih halor ka jingjot rathai jong ka surok NH -6.

Na ka liang ka SSSU ruh ka pynpaw ka jingsngewkhia kaba jur haduh katta katta ha kaba iadei bad kane ka jing jingsniew palat pud jong kane ka surok bah naduh Tuber Shohshrieh shaduh Malidor namar ka la wanrah jingeh shibun ha kaba iadei bad la leit ka wan jong ki paidbah khamtam haba jia ka pang ka shitom.

Ka Seng Samla ka la ong ruh ba kane ka jingleh bym suitñiew jong ka NHAI bad ka sorkar ban maramot ia kane ka surok ka buh ia ki paitbah ba bun balang ha ka jingeh kaba khraw.

Kumta na ka liang ka Seng SSSU ha u kyrwoh lyngba u president u Bah Ellend Mynthlu ka ai ka jingkyrshan kaba pura ia ka ka KSU-EJHD Unit ha kaba iadei bad kane ka jingiakhih na ka bynta ban dawa maramot noh mardor ia katei ka surok NH-6 khnang ba kan long ka jingmyntoi ia ki paidbah babun balang.