Kyrshan sa ka Dorbar Shnong Loomsooiung Newhill iaka jingkhangdam 36 kynta ha Jowai

Syllad | The Rising MeghalayaApril 25, 2022

Ka Dorbar Shnong Loomsooiung Newhill kala ai ka jingkyrshan kaba pura iaka jingkhot khangdam ba 36 kynta ka Dorbar Shnong Tympang Iawmusiang kaba sdang lashai ka sngi ba Ar naduh ka 6 AM.

Pule Shuh | Khanglut ka Seinraij Jowai ia ki jaka pynieng kali 36 kynta

Kane ka jingkhangdam kaba da ka Dorbar Shnong Tympang Iawmusiang kan sdang naduh ka lashai ka sngi 6AM bad kan kut haka por 6PM haka sngi Balang ban pynbor iaka sorkar ban kynriah iaki ñiut na sor Jowai.

Pule Shuh | Kyrshan pura ka Ladthadlaboh iaka jingkhangdam ba 36 kynta ka Iawmusiang Jowai

U Ma Marsan Pakma, Waheh Shnong ka Dorbar Shnong Loomsooiung Newhill, ula ong ba kila rai ban ai ka jingkyrshan namar ba kane ka jingeh jong ki ñiut ba satah ha Jowai kala ktah ym tang iaka Jowai, hyrnei ia baroh ka district. “Ngi shim ia kane ka sienjam ban kyrshan iaka jingkhangdam ba 36 kynta ka Dorbar Shnong Tympang Iawmusiang namar ba ka shongnongrim bad ka jingdon bad sahkut ki ñiut ha Jowai kala wanrah iaka jingthud haka iaid ka ieng ki kali ki motor, ki briew bad kaba lah ruh ban ktah iaka koit ka khiah naka jingsma iwtung,” la ong u Ma Pakma.

Pule Shuh | La khihwin ka ishu ñiut Jowai, pynbna sa ka Dorbar Shnong Chutwakhu ban kyrshan iaka khangdam 36 kynta

“Ngi kyntu iaka sorkar ban pynjem shisyndon ia kane ka jingeh jong ki niut, lymkumta ka jingeh ka nang nang jur ha ki sngi ki ia ban wan bad kan ktah iaka roi ka par bad ka koit ka khiah u nongshong shnong,” la ong u Waheh Shnong Loomsooiung.

Pule Shuh | Shim ka Dorbar Shnong Tympang Iawmusiang iaka rai kaba tyngeh pynbna khangdam halor ka ñiut Jowai