Kyrshan u John F Kharshïing & 27 ngut ki MDC ïa u kyrtong monlang ka sorkar MDA

Syllad | The Rising MeghalayaApril 7, 2019

JOWAI: U Ma Thombor Shiwat Chief Executive Member (CEM) jong ka Jaiñtia Hills Autonomous District Council (JHADC) ula ong ba haduh 27 ngut ki MDC jong ka JHADC ki ai ka jingkyrshan kaba pura ïa u Dr. Jemino Mawthoh u kyrtong monlang jong ka sorkar MDA sha ka MP Lok Sabha kaba ka election kan long haka 11 tarik Iaiong.

U Ma Thombor ula ïathuh ïa kane haka jingialang ban pan jingkyrshan ia u kyrtong monlang ka MDA ha Iawpynsin, Wahiajer haka sngi Saitjaiñ bad ula ong ba ka jingkyrshan jong ki MDC ïa u Dr. Jemino ha kane ka elekshon ka long namar ba udei u briew uba biang eh ban mihkhmat ïaka Jylla sha Delhi ban iasaid ïaka eh ka shon jong ka jylla.

Ha kane ka jingïalang la ïadonlang ki MDC bapher bapher ka JHADC, u Myntri Sorkar u ma Sniawbhalang Dhar uba long u MLA ka Nartiang uba pynïaid ïaka jingialang bad kiwei kiwei ki nongialam ka NPP bad UDP ba ki jaka bapher bapher.

“Ka jingïatylli jong ka sorkar MDA (NPP, UDP, HSPDP bad PDF), ka dei ka bor ba  ngin lah ban ïakhun pyrshah ïaki party rithor bad ban wanrah ïaka jingkylla hapoh ka Jylla”, la ong Dr. Jemino Mawthoh bad khot wer ïaki paidbah ban pynurlong iaka jingthmu jong ka sorkar MDA.

U Dr. Jemino ula  pynbna paidbah ruh ba u Bah John F Kharshiing uba la iehnoh ïaka jinglong dkhot bad kam nongialam na ka party congress ula ai ka jingkyrshan kaba pura ïa u ha ryngkat ki nongbud jong u (John F Kharshiing).