Kyrwit hattrick u Ebanskhem Nongtdeh jop Iawmulong Nartiang iaka Lumpyrtuh Mihmyntdu haka 2nd Division WJDSA

Syllad | The Rising MeghalayaJuly 5, 2022

U Ebanskhem Nongtdeh pleiar ka Iawmulong Nartiang ula khyrwit da ka hattrick kaba la lam lynti iaka kynhun jong u ban jop da 3-1 kol pyrshah iaka Lumpyrtuh Mihmyndtu haka jingiakhun 2nd Division Football Tournament- Ka 5th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi ar Ar.

Kane ka hattrick u Ebanskhem kala mih lyngba ki kol kiba ula thep haka minit kaba 41, 73 bad 80+12. Kane ka dei ka hattrick kaba nyngkong mynta ka kynti haka jingiakhun second Division ka WJDSA.

Shikol ka Lumpyrtuh la thep da Haphilabet Ryngkhlem (43).

Kine ki lai kol ka Iawmulong Nartiang kala biang pura iaka ban khur iaka namjop kaba nyngkong na ka Pool D.

Lashai ka sngi ka jingïakhun kan long hapdeng ka West Madan Mustem pyrshah ïaka Pynthorlangteiñ haka por 3.00 baje nohphaisngi.