La arsien la plie paidbah iaka khilon pdiang sngewbha ka East Jaintia Hills

Syllad | The Rising MeghalayaNovember 29, 2021

U Myntri ka tnad Social Welfare, u Kyrmen Shylla ula plie paidbah ïaka khilon pdiang sngewbha ne ka  Welcome Arch kaba don haka shnong Tuber Shohshrieh, East Jaintia Hills District.

Ka jingplie paidbah ia kane ka khilon bad kane ka kynti ka dei ka sien kaba ar, kaba nyngkong la plie paidbah da u Deputy Commissioner barim ka district u Bah FM Dopth haka 10 tarik Nailur (September) 2020.

Ia kane ka khilon la shna da ka Public Private Initiative project da ka Star Cement Limited haka dor T.30 lak.

Shuwa ban plie paidbah la don ka jingialang ba lyngkot ba pynïaid da u Siddharth Banerjee Sr. Manager Administration Star Cement haka jingïadonlang u MLA ka Mawphlang Constituency u Bah Eugeneson Lyngdoh, u MDC ka Rambrai Jyrngam Constituency u Bah Bajop Pyngrope, u MDC ka Narpuh u Ma Emlangky Lamare uba long ruh u Local Director Star Cement, u Incharge DC ka East Jaintia u Bah SS Syiemlieh, u SP ka East Jaintia u Jagpal Singh Dhanoa, IPS bad kawei kiwei.