La bit jingpang COVID u Bah AL Hek, hadien shitaiew ba wanphai na New Delhi

Syllad | The Rising MeghalayaOctober 25, 2020

U Myntri tnad ka koit ka Jylla u Bah AL Hek ula bit jingpang COVID-19 hadien shi taiew ba ula wanphai na nongbah New Delhi.

Ia kane la pynthikna haka sngi U Blei da u Director of Health Services (MI), Dr Aman War bad ula ong la test positive ia u haka sngi Saitjain. 

U Bah Hek ula wan phai na nongbah haka 18 tarik u Risaw. Hashuwa jong u ka khun jong u ruh kala bit khlam Coronavirus.

“Haba ula wanphai sha Jylla, ka result rapid antigent ka dei negative. Hynrei hadien phra sngi ba u shong kyrpang ialade ha iing, la test biang ia u (Hek) bad la lap ba ula iabit iaka jingpang COVID,” la ong u Dr War bad bynrap ba yn test biang ia u Bah Hek hadien 10 sngi bad unhap shuwa ban shong iing 10 sngi.

Haka jingleit jong u sha nongbah New Delhi, ula iakynduh ia ki myntri bad ki nongialam ka BJP.