La buh ïa u maw sahnam ka ïungwalieh Loompyrdi Ïongpiah
JOWAI: U Woh Shaimon Pyrbot uwei na ki riew rangbah ka shnong Loompyrdi Iongpiah, Jowai haka sngi U Blei ula buh ïa u maw sahnam halor ka jingjop jong ka Dorbar Shnong Loompyrdi Iongpiah, Jowai ban tei pyndep ïaka ïungwalieh ka shnong, kaba ka jingtei kala sdang naduh ki snem 1986-87.
Ïa kane ka ïing la tei haka jinglut kaba T. 10423831.50/- da ka jingsynniang pisa u paid nongshong shnong, ka jingpynmih pisa na ki fete, bamphalar nalor na ki nongmihkhmat paidbah ba kynthup MLA , MDC bad MP Lok Sabha bad Rajya Sabha.
U Hercules Toi, ula ïathuh ba kane ka ïungwalieh kadei kaba saw kaba la shna ha Loompyrdi Iongpiah. La tei thymmai ha u snem 1987 bad ïaka dur jong ka ïing la pynbit pynbiang da (L) Kambel Shullai, u architect jong ka Jowai uba lap ïaka Khnap Thangbru.
La pynkup burom ia ki riew rangbah kiba don bynta ban synniang ban tei ïaka Iungwalieh bad ruh iaki katto katne ngut ki nongmihkhmat kiba la noh synniang ban pyndep ia ka jingtei iaka Iungwalieh
La pynphuh pynphieng ia kane ka sngi da ki jingrwai jingshad ba la iashim bynta da ki khun samla ka shnong kumjuh ki heprit.
Facebook
Instagram
Youtube
Twitter
Leave a Reply