La dep pyllait ka sorkar T. 4 klur tam Border Area Scholarship marsien pan RTI: HYC

Syllad | The Rising MeghalayaDecember 21, 2020

U Publicity secretary jong ka Hynniewtrep Youth Council (HYC) War Jaiñtia Circle u Riki Mukhim ula iathuh baka sorkar kala dep pyllait haduh T.4,36,00,800 klur ka Border Area scholarship na ka bynta u snem 2018-19 bad 2019-20.

Kane ka scholarship iaki khynnah skul ba shong ba sah ha khappud jong ka Jylla la pyllait dangshen haka 17 tarik u bnai Naiwieng 2020 na ka bynta u snem 2019-20 T.2,20,00,800/- bad haka 2 tarik u Nohprah 2020 la pyllait T.2,16,00,000/-. Ki khynnah kiba ioh myntoi ki don haduh 5916 ngut.

U Riki Mukhim, ula ong ba hadien ba ki khynnah khappud kim shym la ioh biang por ïa kane ka scholarship da ka mynsiem sngewkhia ula pan da ka RTI naka ophis Joint Director, Higher Technical Education, Shillong ha ka 26 tarik u bnai Risaw 2020.

“Marsien sien pan ia kane ka RTI, katkum ka jubab RTI kaba nga la ioh pdiang haka 10 tarik u Nohprah 2020 kala pynpaw ba kala dep pyllait ïa scholarship sha ki 5916 ngut ki khynnah skul,” la ong u Riki bad ula ong ba un buddien shuh shuh la kane ka pisa kala poi hok sha ki khynnah namar ba dei hadien ba ula pan RTI ba ka sorkar ka pyllait ia kane ka scholarship.