La ioh sei iaka metiap kaba ar na krem dewiong ha Krem Ule
Ka kynhun ki nongiarap ba kynthup iaki shipai Navy, NDRF bad SDRF mynta ka sngi kila ioh ban sei iaka metiap kaba ar jong ki nongbylla tih dewiong kiba la shah btep im shapoh krem dewiong ha Krem Ule, Umpleng East Jaintia Hills District.
Ka khubor kaba iohlum ba u Executive Magistrate ula pyndep iaka jingtohkit bad ia ka metiap la rah sha jaka buh metiap ban pyndep iaka post mortem ha Khliehriat CHC.
La pyntip ruh sha kiba haiing hasem jong ki nongbylla sha Cachar, Barpeta bad Kamrup (Rural), Assam bad Kailashahar, North Tripura District.
Kumban shu pynkynmaw ba kane ka jingjia shah btep im ki 5 ngut ki nongtrei bylla tih ha katei ka krem dewiong kala jia haka 30 tarik u Jymmang 2021 bad iaka ba ia ka metiap kaba nyngkong kaba la ioh sei naduh ka 16 tarik une u bnai, hynrei ym pat don satia mano mano ba wan kam.
Facebook
Instagram
Youtube
Twitter
Leave a Reply