La ïohkem ia u mama ba suba pyniap iaka pyrsa ba dang 14 snem

Syllad | The Rising MeghalayaDecember 14, 2020

Mynta ka nohphaisngi ki Pulit jong ka Phramer Traffic Cell kila ïohkem noh ia u briew uba suba donkti ban pyniap ïala ka jong ka pyrsa kaba dang 14 snem ka rta.

Ka tyllong khubor kaba iohlum la iathuh ba ki Pulit jong ka Phramer kila iohkem ïa une u briew uba kyrteng u Ngaitlang Suchiang, uba la phetrieh hadien bala shah kynnoh pyniap iala ka pyrsa ha kawei ka shnong kaba hap ha Phramer traffic cell na Tuberkmaishnong, East Jaintia Hills. La ioh kem ia u Ngaitlang da ka jingiarap jong ki shipai shnong ne ki VDP jong ka Tuberkmaishnong.

Ki Pulit jong ka Phramer marsien kem ïa une u Ngaitlang la rah ia u mar mar sha Jowai ban phah medical bad kumjuh la set ia u hapoh along bad lashai ka sngi yn leit rah ia u sha iingbishar.

Kumban shu pynkynmaw ba kane ka jingjia shah pyniap kane ka khynnah 14 snem kala jia haka 12 tarik une u bnai haka por ba ka dang leit saitjain. Iaka metiap jong ka la lap da u kpa jong ka.

Shah pyniap dusmon ka khynnah 14 snem haka shnong kaba hap ha Jowai Police Station

Katkum ka jingujor kiba haiing kane ka khynnah la kynnoh ba ia kane ka kam la suba jur ba donkti u Ngaitlang uba dei u mama trai kane ka khynnah namar ula don jingthmu sniew ia kane ka khynnah bad thmu ban bat bor iaka haduh lai sien kynthih.