La jied iaki nongkitkam thymmai ka shnong Sonapyrdi

Syllad | The Rising MeghalayaAugust 20, 2022

Ka Dorbar Shnong Sonapyrdi, East Jaintia Hills haka sngi Palei kala ioh ban jied thymmai iaki nongkitkam shnong na ka bynta ka samoi treikam jong u snem 2022-24.

Ia kane ka jingjied nongkitkam la pynlong haka Dorbar Kut Snem ka shnong Sonapyrdi. Ha kane ka dorbar la ai ruh iaka report treikam jong ka shnong Sonapyrdi.

Ha kane ka kynti la jied waheh shnong ia u ma Edimon Lamare, general secretary ma Daiapherbha Lamare, assistant waheh shnong, Standing Lamare, assistant secretary u ma Tackmon L Gympad.

Iaka kam Chairman Shnong la jied ia u Condrick Lamare, finance secretary u ma Kwilnis S Suchiang, Treasurer u ma Krimson Sutnga.

La jied ruh iaki auditors ar ngut, ki nongialam bad dkhot ka Village Defence Party (VDP), Seng Samla Shnong, ka Sonapyrdi Tourism & Economic Development Society (STEDS) bad 12 ngut ki dkhot executive committee kynthup iaki ar ngut ki longkmie.