La khang ïaka Ialong Tourist Spot bad pynkynriah ïaka fete Moosalyngkat

Syllad | The Rising MeghalayaMarch 18, 2020

Kum shibynta ban pyntreikam ïaka jingbthah jong ka Sorkar, ka Dorbar Shnong Ialong kala khang ïaka Ialong Toursit Spot, kumjuh ruh ka Dorbar Shnong Moosalyngkat kala pynkynriah ïaka fete kaba la thmu ban pynlong haka 19 bad 20 tarik une u bnai Lber.

U Ma Bishar Shylla, Waheh Shnong jong ka Ialong, ula ong ba kane ka jingkhang ia kane ka jaka jngohkai kan treikam tad haduh bala pynbna ka sorkar da kumwei bad la kyntu ïaki nongwan jngohkai la ki trai jylla ne ki bar jylla bad ki bar ri ba sangeh shuwa ban wan sha kane ka jaka.

Ka Dorbar Shong Moosalyngkat ruh kala pynbna ba kala pynsangeh shuwa ïaka fete bad ka lucky draw 2020 kaba la thmu ban pynlong haka 19-20 Lber 2020. Ïa ka tarik ka dorbar shnong kan sa pynbna hadien.

Ka jingkhang shipor ia katei ka jaka jngoh kai pyrthei bad ka fete kalong ka ban iada na ka jingpur u khniang coronavirus.