La khang iaka SBI Ummulong Branch ba iabit khlam COVID-19

Syllad | The Rising MeghalayaJune 23, 2021

U District Magistrate, West Jaintia Hills District ula phah khang iaka SBI Bank Ummulong Branch naduh ka 24 tarik Jylliew haduh 03 Naitung 2021 hadien ba don ba iabit iaka jingpangkhlam COVID-19 ha kane ka bank.

U District Magistrate ula pynmih iaka hukum hadien bala ioh iaka report na i Branch Manager ka Bank ba don iwei ba iabit khlam COVID ha kane ka branch.

La bthah ia baroh ki briew kiba leit ha kane bank ban shong pynkyrpang ialade 10 sngi haiing bad lada don kino kino kiba don dak shin ba don jyrhoh, shitmet, lane shitom ban ring pynhiar mynsiem dei ban pyntip sha ki waheh shnong bad ba ki dei mar mar ban shong kyrpang marwei.