La khang shipor iaka Khliehriat PS bad Khliehriat Women PS

Syllad | The Rising MeghalayaJuly 26, 2020

U Assistant Inspector General of Police (A) GK Iangrai ula pynbna paidbah ba la khang shipor iaka Khliehriat Police Station bad Khliehriat Women Police Station, East Jaintia Hills District hadien ba la don katto katne ngut ki pulit jong kitei ki Police Station ki la ngat haka jingpang COVID-19.

Ki Pulit kiba trei ha kane ka Police Station ki don haka jingsumar (Medical Observation) bad baroh ki kam jong kine ki Police Station yn peit shwa shipor da ka Ladrymbai Out-Post.

Ia kine ki Police Station la synreit dawai khniang katkum ki kyndon ba la buh bad hadien ba la ibit ibiang yn sa plie biang ïaki.

Ula pyntip ruh ba ki paidbah kiba hap hapoh ka jingpeit jong kitei ki Police Station bkin hap ban leit sha Ladrymbai Out-Post na ka bynta ki jingdonkam jong ki.