La khylliap lama iaka Meghalaya Police Football Team

Syllad | The Rising MeghalayaApril 1, 2022

Ki player jong ka Meghalaya police Football Team (MLFT) ki pynpaw ka jingbynnud ba kim ioh shuh iaka lad ban ialehkai khamtam ha Shillong Premier League namar ba ka bor pyniaid jong ka tnad pulit kala rai ban khylliap lama noh ia kane ka kynhun.

Ki katto katne ki player kila ong ba kim lah ban leh eiei bad ki hap ban kohnguh iaka hukum jong ka bor pyniaid ka tnad Pulit namar ba kim lah ban ialehkai bad ban pyndep iala ka ka kamram kaba la bynshet.

U Donbok Khymdeit captain MLFT, u pynpaw ka jing sngew diaw ba bymioh shuh ban ialehkai namar ka team ka duh noh tang ba ngim lah ei ei namar ka dei ka order na jrong, hoioid ka long kaba jynjar bha ia ngi naduh ba sdang ka COVID-19, ngim don practice shuh namar ngi hap ban leit duty bad ngi don ka jing khmih lynti hadien ba la kham pyn jynsur ka sorkar ia ki kyndon hynrei ka long noh markhongpong ba la pynduh noh ia kane ka kynhun.

U Kyrsoi Mawphniang, Coach MLPFT ula ong “Na ka liang jong nga, nga pynpaw ba nga dei tang u Coach ka ei ka order ba ki ai na jrong nga leh ia kata, hynrei ngam lah ban ong ei ei shaphang ka jingduhnoh ka Team namar ka dei ka kamram jong ki heh officers jong ngi.”

“Hooid! ka don hi ka jing sngewkhia ban duh noh ka Team namar bun ki khynnah ki ba don ka sap ka talent kim ioh shuh ban pynpaw sha ka pyrthei bad ngi duh ruh ka relationship bad ki public bad bun ruh ki khynnah ki ba apply iaka kam police ki ba dei ki khynnah ialehkai sports ki ba la represents ia ka State ki kwah ban rung sha ka kam police ba kin ioh ban ialehkai na ka MLPFT, hynrei ka pynduh jingkyrmen noh ia ki namar ka duh noh ka Team,” ula bynrap u Kyrsoi.

Ula ong shuh shuh “Nga kwah hi ba ka Team kan don kumba long lem ki wei ki State namar man u snem ngi shait leit shim bynta ha ka Alll India Police meet bad sngew tynnad ban iohi ba ki wei ki State majority ki players jong ki ki dei ki ba la represents ia ka State jong ki bad ngi ruh ngi kwah kumta lada long ka ba lah hynrei ka shong ha ki heh officers jong ngi ki ba tip khambha ban ia ngi.”