La lap ia u nongbud trok ba jahrngai na Diengpasoh toll plaza
Kiba haiing kila pyntip ba la lap ia u Teimi Ia I Lamare (37 snem) u nongbud trok uba la jah na toll plaza Mawkhanu Diengpasoh, East Khasi Hills haka step sngi Nyngkong.
U Teimi Ia I Lamare u dei na ka shnong Madankynsaw Mowkyndeng, West Jaintia Hills.
La iathuh ba la lap ia u Teimi na Ksehpyndeng da ki nongshong shnong kiba leit rep leit riang haka por kumba 4:30 PM hynne ka sngi. Kumta kila pyntip mar mar sha u Rangbah Shnong uba la pyntip pat sha ki pulit ka Mawryngkneng, East Khasi Hills.
Na kaliang kiba iing kila pynpaw ka jingsngewnguh ia U Blei nongbuh nongthaw uba la da ker sumar ia u Teimi bad ym shym la jia eiei ia u. Kiba haiing kila ai khublei iaki Pulit ka Mawryngkneng, Rangbah Shnong Ksehpyndeng bad Mawryngkneng bad baroh ki paralok parajor kiba na jan na jngai kiba la iarap ban wad bad ban pynsaphriang iaka khubor ban lap biang ia u Teimi.
Facebook
Instagram
Youtube
Twitter
Leave a Reply