La lap iaka metiap u nongniah ka trok ba thung baji sha synrang ha Jowai

Syllad | The Rising MeghalayaSeptember 18, 2023

Ki pulit ha ryngkat ki pulit pynlip ding ka nongbah Jowai kila lap iaka metiap jong u nongniah ka trok kaba thungbaji ha ka synrang ha sor Jowai haka sngi Nyngkong.

Une u nongniah trok dei uba la tip kum u Khrawkupar Phawa (30) uba na ka shnong Sohmynting.

Kumban shu iathuh ba kane ka trok kaba don ia u registration number AS 01FC 8513 kaba niah da u Kharwkupar ka dei kaba kit dewbilat kala thung baji ha synrang hajan yingkieng moo ha Iawmusiang, Jowai haka miet Sngi U Blei (17 Tarik Nailur) haka por kumba 11:30 PM.

Ka jaka ba hap kane trok ka dei haka jaka kaba khun bha ka surok shuwa ban poi ka sor Jowai- ka bynta jong ka surok Shillong Jowai. Kane ka jaka ka dei ruh kaba don hajan ka petrol pump Challam Syngkon.

Ha kane ka jingjia ka trok kala tynrah ruh iaka iing kaba dei ka dukan shna tyre bad ha ka por ba jia kane ka jingjia ym don mano mano.

Ki Pulit kila shimti iaka metiap bad ka jingtohkit halor kane ka jingjia kala iaid shakhmat.