La mih lut ki kynhun pyniaid elekshon

Syllad | The Rising MeghalayaFebruary 26, 2023

Ki kynhun pyniaid elekshon ha Jylla kila mih noh ban leit sha ki jong ki jong ki poling station kiba la kot 3419 tylli ki polling station ha baroh kawei ka jylla.

Naduh hynnin ka sngi 25 tarik ba kut ka jingialap elekshon, ki kynhun kiba dei peit sha ki shnong kiba jngai kila nang leit shuwa bad kiba jan ki la mih mynta ka sngi U Blei. Ki don ki polling station kiba ki nongpyniaid elekshon ki hap ban iaid da ka kjat, ki hap ban kam shilliang iaka um.

Ka jingthep vote paidbah kan long shuwa tang naka bynta ki 59 tylli ki constituency lait na ka Sohiong Constituency hadien ka jingkhlad uwei na ki kyrtong u (L) HDR Lyngdoh.

Haba phai sha West Jaintia Hills District na ki 5 tylli ki constituency ka don haduh 306 tylli ki polling station. Katba ha East Jaintia Hills ki don 151 tylli ki polling station na ki ar tylli ki constituency.