La phiah noh iaka KSU Jaintia Hills, yn ialam u Streamly Suchen iaka East Jaintia bad u Laitphar iaka West Jaintia

Syllad | The Rising MeghalayaMarch 14, 2022

Ka Khasi Students’ Union (KSU) ban nang pynbha iaka jingshakri jong ka ha Rilum Jaintia kala phiah noh iaka KSU Jaintia Hills District Unit bad la pynkha noh iaka tnad KSU West Jaintia Hills District Unit bad iaka East Jaintia Hills District Unit.

Ha ka sngi Saitjain ka taiew kaba la dep, u Lambokstar Marngar president KSU Central Body ula wan ban pynskhem iaki nongkitkam ka KSU West Jaintia Hills District Unit bad shen ka KSU kan pynskhem ruh sa iaki nongkitkam ka KSU East Jaintia Hills District Unit.

U Streamly Suchen, u dei uwei na ki dkhot ka KSU uba la don bynta bad ka KSU mynta la kumba 20 snem bad udei uwei na ki dkhot ba shitrhem ba ka KSU, katba u Laitphar Syngkrem pat u dei u nongialam ka KSU War Jaintia Circle.

Ha ka jingialang kaba long haka sngi Saitjain kaba long ha Lumbihsyntu, Mihmyntdu, u Lambokstar ula maham ïaki dkhot jong ka KSU ba kim dei pyndonkam bakla ïa kyrteng jong ka KSU na bynta kam shimet jong ki.

“Phi dei ban ïatreilang bad ki dorbar shnong bad ki it ki hima namar phim long halor jong ki Dorbar Shnong ne ki it ki hima,” la ong u Lambokstar Marngar bad ula sneng ba kraw ïaki nongkitkam ba thymmai jong ka KSU West Jaintia Hills District.

Ula kynthoh ruh iaka sorkar ba wat hadien ba la ioh iaka jylla kaba pura mynta la 50 tylli ki snem, pynban kam don kita ki aiñ kiba biang ki ban tei ïaka jaitbynriew naka ka kam pule puthi, ka lad ioh kam ioh jam bad ban iada iaka jaidbynriew na ka jingwan buhai shnong ki bar jylla.

Kiwei kiwei ki nongkitkam jong ka KSU West Jaintia Hills ki kynthup ia u Vice president Chanbor War, General secretary Leningrad Tariang, Assistant General secretary Balawantei Suchiang bad Phraki Hawni Thubru, Education Secretary Tyngshaiñ Krem, Tammiki Manner, Hababiangki Biam, Organizing Secretary Ewami Phawa, Assistant Organizing secretary Augustan Timung, Lurman Talang, Teimiki Suchiang, Ehbok Sten, Publicity secretary Juhhi Tariang, Assistant publicly secretary Morningstar Pasi, Sport secretary Michel Platini Mukhim, Assistant sports secretary Heibor Lyngdoh, Disciplinary secretary Iohnis Suchiang, Assistant disciplinary secretary Wanshan Laloo, Office secretary Eugine Hinge, Finance secretary Phrangki Papang, Assistant secretary Kindly Khriam, Environment & Cultural secretary Lob Stevenson Khonglah, assistant environment & cultural secretary Sowatki Law.

Katba ki dkhot executive Committee ki long u Nangaibormi Sutnga, Timing Lyngdoh, Brightstar Sohtun, Aurora Pamksang, Ohibait Dkhar bad Jerrymaya Laloo.