La plie biang iaki jaka jngohkai haka shnong Lumshyrmit

Syllad | The Rising MeghalayaMarch 24, 2022

Ka Dorbar shnong Lumshyrmit kaba don hapoh East Jaiñtia Hills District Khliehriat, kala pynbna paitbah ba kan plie biang ïa ki jaka jngoh kai pyrthei kaba don hapoh ka shnong Lumshyrmit.

Ki jaka jngohkai kiba paw bha ha kane ka shnong ki kynthup iaka kshaid Latang, ka Kremlabit (Cave) bad ka kshaid Thwai Thlen. 

Ka bor shnong kala pyntip bala khang ia kine ki jaka ha kine ki lai bnai bala dep ka dei namar ka jingmaramot iaka surok ban poi sha kitei ki jaka bad ka shnong mynta ka kynti hadien bala dep ban pynbiang iaki jingdonkam ban shngain u paidbah nongwan kai kala rai ban plie naduh 25 tarik Lber (March) 2022.

Na ka liang ka Integrated Village Co-Operative Society bad ka Dorbar shnong Lumshyrmit ka pdiang sngewbha ïa kiba kwah ban wan kai suwari sha kine ki jaka bad la kyntu ia baroh ban pynthikna ban pynneh iaka jingkhuid jingsuba ban pynneh iaka jingitynnad kine ki jaka.