La plie biang ka NDAL ban thep license suloi

Syllad | The Rising MeghalayaJanuary 24, 2020

JOWAI: U Deputy Commissioner, West Jaintia Hills ula pynbna ba ka Ministry of Home Affairs kala plie biang ïaka National Database of Arms Licenses (NDAL) portal haduh u bnai Jylliew 29, 2020 na ka bynta ban thep (upload) ïaki license suloi ba dang sah hapoh ka portal jong ka NDAL.

U Deputy Commissioner u la kyntu ïa baroh ki nongbat suloi kiba la ïoh ïaki license ne kiba dang pynthymmai ïaki license haduh 31 Nohprah 2016  ban wanrah ïaki license ha ophis u Deputy Commissioner, West Jaintia Hills hapoh 31 tarik u Lber 2020.

Ki nongbat suloi ki dei ban wanrah ha ryngkat ki syrnod Residential Certificate kaba ïoh na ki Waheh Shnong, EPIC jong u nongbat suloi bad ar tylli ki dur passport size.