La plie ia ka jingialap halor ka Ayushman Bhava ha Ummulong CHC, ioh khusnam ka shnong Nongjngi

Syllad | The Rising MeghalayaSeptember 13, 2023

Ia ka jingialap halor ka ‘Ayushman Bhava’ la plie da u Dr Brighstar Langbang Block Development Officer,Thadlaskein C&RD Block, West Jaintia Hills District haka sngi Balang hapoh Ummulong CHC ha ka jingdon ryngkat u Dr.Marshall Lamare Block Medical Officer, Kong Acquilla M Lamin  Block Programme Manager National Health Mission, ki Medical Officers, ki dkhot jong ka Village Health Councils hapoh ka Thadlaskein block bad ki nongtrei ka koit ka khiah bad kiwei kiwei.

Kane ka jingialap halor ka ‘Ayushman Bhava’ ka ban long ka jingkyrkhu kaba khraw ia baroh ban im slem da kaba sumar ia ka  koit ka khiah.

Ha kane ka jingialang la ai jingkren da ka Kong Acquilla M Lamin, Block Programme Manager National Health Mission ha kaba la pynshai ia ki lai tylli ki jingthmu jong ka Ayushman Bhavah. Kine ki kynthup iaka na ka bynta ban sam iaki Ayushman Card sha ki nongshnong shnong, ban pynlong ia ki Health Mela ha ki Health & Welness bad Community Health Centres bad ka  jingiatreilang ki Village Health Councils ban pynlong ia ki ‘Awareness Program’ shaphang baroh ki skhim bad ki lad jingsumar lyngba ka tnad ka kiot ka khiah.

Ha kane ka prokram la sam ruh ia ka khusnam “Best Performing Village Health Council” sha ka shnong Nongjngi kaba don hapoh Thadlaskein Block bad la sam ruh ia ka Meghalaya Health Insurance Scheme Card bad Ayushman Bharat Digital Mission Card sha ki katto katne ngut ki nongshong shnong hapoh Thadlaskein Block kum ka dak ka  jingplie ia ka Ayushman Bhava.

Kum shi bynta ka jingplie ia ka Ayushman Bhavah la pynlong ruh ia ka screening na ka bynta ka jingpang TB, Hypertension ,Diabetes Oral bad  Breast Cancer. Nalor kata ka la don ruh ka jingshondur MHIS Card bad ABHA Card.