La plie iaka auditorium ka skul Ches’ Stars HSS

Syllad | The Rising MeghalayaSeptember 18, 2022

U MLA Jowai Ma Wailadmiki Shylla haka sngi Saitjain ula plie paidbah iaka auditorium jong ka skul Ches’ Stars Higher Secondary School, Jowai. La iadonlang u Deputy Commissioner, West Jaintia Hills u Bah BS Sohliya bad ka District School Education Officer, AP Syiem.

Ia kane hall la ai nam haki nongseng jong ka skul (L) J. Jones Syngkon bad (L) Sibyl Rease Chullai. Kane ka skul dei kaba la seng naduh u snem 1991 ha ka iing sah jong ki.

U Ma Wailadmiki haba kren ula iaroh ia ka  bor pyniaid ka skul kaba la tei ia kane ka auditorium khlem ka jingkyrshan ka sorkar bad ula ong ruh ba un pyrshang katba lah ka bor ban pynioh iaki lad jingiarap ia kane ka skul.

Ka bor pyniaid ka skul kala ai da ka dorkhat ban kyrpad ia u MLA ban pynioh iaka smart class, ki computer nalor kiwei kiwei ki jingdonkam ka skul na ka bynta ban sam jingnang jingstad sha ki khynnah.