La plie iaka dukan ban pyniaid iew iaki mar ki SHG ha Khliehriat

Syllad | The Rising MeghalayaAugust 8, 2022

U Deputy Commissioner, East Jaintia Hills District u Abhilash Baranwal haka sngi Nyngkong ula plie paidbah iaka dukan die mar bam (Grocery Shop) haka jingialang kaba long ha Khliehriāt West Community Hall.

Kane ka dukan die mar bam kaba la tip kum ka Grocery Shop cum Rural Outlet kadei jong ka Iainehskhem Village Organisation kaba la kyrshan da ka District and  Block Mission Management Unit Meghalaya State Rural Livelihood Society.

Ki mar kiba lah ban ioh na kane ka dukan ki dei kiba pynmih da ki 15 tylli ki kynhun SHG.

U DC ula ong ba ka jingthmu ba plie ia kane ka dukan die marbam ka dei na ka bynta ban ki paidbah kin iohi iaki mar kiba pynmih ki SHG bad ba kin ioh thied na kane ka dukan. Kane kila leh ruh hadien ba ka bor shynshar district kala buh ruh iaki dur ki dar bad mar jong ki SHG haka district website.

Na kaliang u DC ula kyntu iaki paidbah ban thied iaki mar kiba pynmih ki SHG bad lada biang ka rukom pyniaid ia kane ka dukan, shen yn plie ruh ia kum kine ki dukan ha kiwei ki iew kiba kham heh hapoh ak district.

Ha kane ka jingplie paidbah la iadonlang ruh u ma Justine Dkhar uba ju long ruh u MLA barim ka Khliehriat, ki nongialam ka VO bad kiwei kiwei.