La plie ïaka ophis ka Meghalaya State Rural Livelihood Society ha Laskein
JOWAI: U Block Development Officer cum Chairman jong ka Meghalaya State Rural Livelihood Society (MSRLS) Bah F Basan ula plie paidbah ïaka jaka treikam jong ka MSRLS, Block Mission Management Unit, Laskein C&RD Block kaba dei peit ia ki Self Help Group (SHGs) hapoh Laskein Block haka 16 tarik Risaw ha Laskein.
Hashuwa ban plie la don ka jingïalang kaba lyngkot kaba pyniaid da u Bah B Syiemlieh uba dei peit MSRLS, BMMU Laskein Block kaba la wan ban ïashimbynta da ki 52 tylli ki Village Organisation (VO).
![](https://www.syllad.com/wp-content/uploads/2024/09/JIT-Vacancy-823x1024.avif)
Kane ka ophis ka dei ka jaka trei kam ki staff bad ka don la ka jong ka Conference Hall khnang ban pynsuk ha ka ban pynlong ia ki jingialang ne training iaki kynhun jong ki VO. Ia kane ka office la iarap pisa da ka MSRLS Shillong lyngba u Block Development Office.
La ioh ruh ia ka jingkren lyngkot na ki 4 tylli ki Village Organisation(Ieintylli VO Madankynsaw, Manbha VO Mulieh, Iakyntulang & Iakyrmen VO Mynska bad ka Iahchaphrang VO Nongkynrih).
U Bah F Basan haba kren la plie ia kane ka jaka treikam ban pyntyllun ia ki kam bad ki jingtrei jong ki VO ban wanrah ia ka jingkylla ha ka roi ka par bad ka kamai kajih. U la ong lada ki VO ki trei kam bha kam don jingeh ban iarap pynioh office ia ki khang ban nang pynsuk shuh ia ka rukom trei kam jong ki . U la kyntu shuh ia ki kum ki VO ba ki dei ban don ka thong khnang ba kin lah ban pynurlong ia ki jingthmu jong ki. U la pynkut ia ka jingkren da kaba u kitbok kit rwiang ia baroh ki VO ba kin nangiaid shaphrang ha ki kam ki jam jong ki da kaba don ka jingiaieit, ka jingiasngewthuh jingmut, ka jingtrei shitom bad ban kiar na ka jingia bishni ban jop ha kano kano ka kam.
Leave a Reply