La plie iaka Stree Swabhiman projek ba nyngkong ban shna Sanitary pads ha West Jaintia Hills

Syllad | The Rising MeghalayaJanuary 17, 2021

Ha ka sngi 16 tarik une u bnai ka Self Help group (SHG) Synroplang SHG kaba don ha Pyntei, Raliang West Jaintia Hills District Kala ioh ban plie nyngkong eh ia ka Menstrual Unit projek “Stree Swabhiman” lynba ka jinglam khmat bad jingiatreilang ka CSC eGovernance ryngkat bad ka MSSRLS.

Ka Stree Swabhman ka dei ka projek kaba dei halor ki Sanitary Napkin (Sanitary pads) kaba dei shaphang ki khynthei halor ka koit ka khiah kumjuh ruh ka jingleh khuid ha ka jinglong briew jong ki (Women‘s Health and Hygiene). Ka long ka projek ka ba thymmai ha ka jylla hi kaba ym da juh ionsngew na ki por sha ki por. Ia kane ka projek da plie nyngkong eh da Honble Minister ka ri India u Ravi Shankar Prasad u ba dei peit ia ka tnat Electronics & IT and Law and Justice ha Delhi.

Ha kane sngi plie la iadonlang ryngkat u Deputy Commissioner ka West Jaintia Hills District Garod L.S.N Dykes IAS u ba long u kongsan, U Kamailang Garod Secretary Shnong, Sanki Lamare Rangbah shnong Raliang, U Rolinstar Shadap DDM Meghalaya State Rural Livelihoods Society (MSSRLS) U Marda Oo Myrchiang District Manager CSC e Governance, Ka Kong Ameecia Pariat District Manager CSC e Governance ryngkat ki wei de ki members jong ka shnong.

U Kongsan ha kane ka sngi u la iaroh shibun eh ia ka Synroplang SHG rynkat ka jingialam lynti ka CSC eGovernance bad ka MSSRLS ba ki la lah ban pynurlong ia kane ka projek ha ka shnong jong ki kumjuh ruh ha ka District hi baroh. Ka long ruh ka sein kaba nyngkong eh ha ka District kaba wanrah kum ia kane ka projek ka ba dei ia ka koit ka khiah jong ki khynthei. U la kyntiew ruh ia ki khynthei ba ki dei ban lehkhuid halor ka koit ka khiah ka jong ki.

Da ka jingdon ia kine ki Machine ban shna Sanitary pads kiba la shna kyrpang u la kyntiew shuh shuh ia ki khynthei, ki longkmie ba kin dei ban theid da kine ki pads kiba ioh na ka shnong lajong hi ha kador kaba biang. U la ong shuh shuh ba kadei ka projek ka ban iarap bha ia ki khynthei ki ba shong ba sah ha nyngkyndong. Kane kadei kawei na ki lad ban seng kam lajong khamtam ba mynta ba duna ki kam sorkar. U lah pynshlur shuh ia ki khynthei ban kim dein ban ran dein hynrei ban mih shakhmat ban long kita ki nongmihkhmat ha shnong ha jylla kumjuh ruh ha ka ri hi baroh. Da kaba pynkut ia ka jingkren jong u u lah ong ba ki SHG hi ki long u budlum jong kiei kiei baroh ha shnong.

U Marda Oo Myrchiang uba long u District Manager CSC e Governance West Jaintia Hills District u lah ong ba ia kane ka projek ba lah wanrah na ka sorkar kmie ka ri da ka jingshimti ka CSC e Governance. U la ong ruh ba dang don shuh ki projek ki ban iarap ia ki SHG lane ki briew shimet ha kaban pynheh ia ka kamai kajih ka jong ki. Ia mynta ia kane ka projek lah ban sdang ha ki blocks jong ka District. Hadein habud yn plies pat sha kiwei ki shnong.

U Rolin Star DDM Meghalaya State Rural Livelihoods Society (MSSRLS) u la ong ba ka ba kongsan hi kadei ka koit ka khiah bad ka jingleh khuid. Da kaba pyndonkam ia kine ki sanitary pads ki khynthei hi kidei ban leh khiud. U la pynshlur ia ki Khynnah skul kiba don ia ka rta kaba 14 snem shaneng kim dei ban lehrain hynrei kidei ban pyndonkam da ki sanitary pads ki balah shna kyrpang ia ki.

La ioh jingkren ruh na u Secretary shnong, U Rangbah shnong ki ba lah ai jingiaroh shibun eh ia ki Office ki ba iarap ia ka Synroplang SHG haka lah ban wan rah ia kum kane ka projek ia ka koit ka khia jong ka shnong bad ka District hi baroh.

Ha kane ka sngi lah ioh ruh ban sam ei ia ki Sanitary pads sha ki khynnah skul da u kongsan.