La plie iaka Tata Authorised Service Station ba nyngkong ha West Jaintia Hills

Syllad | The Rising MeghalayaMarch 23, 2021

Mynta ka sngi ka la plie iaka Tata Authorised Service Station kaba nyngkong ha West Jaintia Hills District. Kane ka jaka shna kali ka Tata ka don ha Phramer, West Jaintia Hills harud ka surok bah National Highway 6.

Kane ka Tata Authorised Service Station ka dei ka MH & Sons Enterprise kaba dei trai da ka kong Turoi Kyndait bad u ma Marbaitkiwot Iakai kiba la buh iaka jaka shna kali la bun bun snem bad ha kane ka kynti kila lah syndon ban plie da kane ka kharkhana kaba la ioh iaka jingithuh naka Tata Motors company bad kane ka kharkhana kan long kaba saw ha jylla na ki palat 1500 tam hapoh ka ri India.

U Additional Deputy Commissioner, West Jaintia Hills District, u Lyngkor Kynjing ula ong iaroh ia ka MH & Sons Enterprise bad u Showmewell Kyndait u MD jong ka kiba la lah ban wanrah ia kane ka jaka shna kali ha rilum Jaintia.

Ula ong ka jingwan kane ka kharkhana shna kali ha kane ka thain kan pynsuk ia kiba don kali Tata bad kiba donkam ban shna kali namar kim donkam shuh ban leit shaduh sha sor Shillong. Nalor kata ula ong ba u kyrmen ba kane ka plie lad ruh iaki ki samla kiba don ka sap ban trei ha kum kine ki kharkhana ban ioh kam ioh jam.

Kiwei kiwei kiba kren ki kynthup ia u Arjun Jalali Field Services Head Domestic, Anshuman Samanta, Regional Customer Care, East jong ka Tata Motors nalor kiwei kiwei.

Ia jingialang ban plie ia kane ka kharkhana la pyniaid da u Aloysius Papang u kynum jong u MD ka MH & Sons Enterprise. La pynphuh pynphieng iaka jingialang plie da ka jingrwai jingshad haka jingiadonlang kiba haiing ki trai kharkhana, paralok parajor bad kiba shah khot sngewbha.