La pyllait ia u khaw bad atta rashon ha East Khasi Hills

Syllad | The Rising MeghalayaNovember 29, 2023

Ka Deputy Commissioner (Supply), East Khasi Hills District kala pyntip sha ki paidbah nongbam rashon ka district ba ia u khaw rashon uba hap hapoh ka NFSA (AAY and PHH) bad Non-NFSA kumjuh ia u Atta na ka bynta u bnai Naiwieng 2023 la pyllait lyngba ki dukan bam rashon jong ki.

Ia ka bhah na ka bynta kiba don ia ka card AAY yn pyllait ia u khaw ha ka jingthew kaba 35 kilo shi card bad na ka bynta kiba don ia ka PHH ha ka jingthew kaba 5 kilo shi khlieh.Ia ka bhah na ka bynta ki AAY bad PHH ym donkam ban siew pisa.

Katba ia bhah na ka bynta ki Non-NFSA la pyllait ha ka jingthew kaba 7.205 kilo shi iing ha ka dor T. 12.70/- haduh T. 13.00/- shi kilo.

Katba ia u atta yn sam ha ka jingthew kaba 5 kilo shi card ha ki jaka sor bad 3 kilo shi card ha ki thain nongkyndong ha ka dor T.10.50/- shi kilo.

Kino kino ki bym sam, kiba sam duna lane kiba oh palat ia ka dor ba la buh lane kiba sam da ka mar kaba sniew dei ban pyntip mardor ia ka ophis jong ka DC, EKHD.