La pyllait ia u khaw bad dai PMGKAY ha East Jaintia Hills

Syllad | The Rising MeghalayaJune 10, 2020

U Deputy Commissioner (Supply), East Jaintia Hills District u pynbna paidbah ba la pyllait ia u khaw bad dai kiba ki paidbah nongioh myntoi kin nym hap ban siew eiei. Une u khaw bad dai ki dei na ka skim PMGKAY na ka bynta u bnai June, 2020 ha East Jaintia Hills District, Khliehriat.

Ka rukom sam ka long kumne, ia u AAY yn sam mar 5 kg shi khlieh tang ia kito ki ba don ka Card Rashon AAY bad ia u PHH yn sam 5 kg shi khlieh tang ia kito ki ba don Card Rashon PHH.

Shuh shuh u DC (Supply) u la pyllait ruh ia u dai naka bynta u bnai June, 2020. Ka rukom sam ka long kumne,  ia u AAY yn sam ia 1 kg shi Card tang ia kito ki ba don ka Card Rashon AAY bad ia u PHH yn sam 1 kg shi Card tang ia kito ki ba don Card Rashon PHH.

Ki paidbah lada ki shem ba ia une u khaw bad dai ki dealer kim ai katkum ka kilo ba ki dei ban ioh lane ki pan pisa, ki dei ban ujor mar mar sha u Deputy Commissioner (Supply), East Jaintia Hills District khnang ban pynshitom ia ki kat kum ka ain ba la buh da ka sorkar.