La pyllait ia u khaw NFSA PMGKAY bad umphniang sharak ha Mairang Sub Division

Syllad | The Rising MeghalayaSeptember 23, 2021

U Additional Deputy Commissioner (Supply), Mairang Civil Sub- Division ula pynbna paidbah sha baroh ki longïing jong ka Sub-Division ba la pyllait paidbah ia u khaw National Food Security Act, 2013 bad u khaw hapoh ka scheme PMGKAY (Pradhan Mantri Garib Kalyan Awas Yojana) jong u bnai September, 2021 sha ki dukan die rashon.

Ia u khaw hapoh jong ka NFSA 2013 PHH bad AAY la bthah ban sam katkum ka jingthew ba la buh da ka Sorkar kumne harum: –

PHH       – 5 kilo shi khlieh briew ha ka dor 3/- shi kilo
AAY        – 35 kilo shi card ha ka dor 3/- shi kilo
Non-NFSA- 7.215 kilo shi card ha ka dor 13 tyngka shi kilo

Pradhan Mantri Garib Kalyan Awaas Yojanaa (PMGKAY)

PHH       – 5 kilo shi khlieh briew khlem da shim pisa
AAY        – 5 kilo shi khlieh briew khlem da shim pisa

Ym bit ban ai duna ne ot na ka bhah ba la buh ne mang da ka Sorkar ha kaba iadei bad ka jingsam ia uno uno u marbam ba la ai lyngba ka shkim PMGKAY, NFSA bad Non- NFSA bad la bthah ruh ia baroh ki FPS dealer ba kim dei ban pynduh khaw ia kito ki nongbam lada kim pat don ia u Aadhaar Card bad ia kito ki ba la pynjah ia ki ration card jong ki.

Shuh shuh iaka bai kit bad bai kali ban pynpoi ia kine ki marbam hapoh jong kitei ki lai tylli ki skhim yn bei pisa da ka Sorkar sha ki Wholesaler ne Dealer kumba ju leh na ka por sha ka por .

Ha ka jaka sam khaw la bthah ba baroh kin ieng la kumno kumno shi mitar ka jingjngai iwei na iwei pat ha u lain bad baroh ki nongshim rashon kin hap ban deng ia ki jingda dur khmat (Mask) ha ki jaka sam khaw.

Shuh shuh, u Additional Deputy Commissioner (Supply) in charge ka Mairang Civil Sub- Division u pyntip ba la pyllait ia ka umphniang sharak naka bynta u bnai September, 2021 ha ka jingthew kaba 2.72 liter shi iing na ka bynta kito kiba la ring ding elektrik bad 3.00 liter naka bynta ki shnong ne dong ki bym pat ring ding elektrik. Ka dor kalong kat kum ka jingpynbeit jong ka Vigilance Committee jong ki shnong bapher bapher.

Lada lap ia kino kino kiba pynkhein ia kitei ki kyndon haneng yn pynshitom katkum ka ain, bynrap shuhshuh ka kyrwoh na u Additional Deputy Commissioner (Supply) in charge ka Mairang Civil Sub- Division.