La pyllait ia u khaw PMGKAY ha Amlarem Sub Division

Syllad | The Rising MeghalayaFebruary 4, 2022

Ka ophis Sub-Divisional Officer (Supply), Amlarem Sub –Division kala pynbna paidbah ba ia u Khaw ioh ei u ba hap hapoh ka skim PMGKAY na ka bynta u bnai Rymphang (February) 2022 la pyllait sha baroh ki longïing ki ba hap hapoh ka NFSA (AAY & PHH) naduh ka 4 tarik jong u bnai une u bnai haduh ka 15 tarik u bnai Rymphang.

Na ka bynta ka bhah jong ki AAY ka jingthew kalong mar 5 kilo shi khlieh bad ki PHH ruh haka jingthew kaba 5 kilo shi khlieh.

Lada don kino kino kiba shim da ka pisa ne ki bym ioh ia ki tei ki mar jong ki, ki lah ban ujor sha ka ophis jong u SDO (Supply) da ka ba thoh shai ia ka kyrteng bad ka shnong jong ki khnang ba yn lah ban pynshitom ia ki.