La pyllait ia u khaw PMGKAY ha EJH

Syllad | The Rising MeghalayaNovember 2, 2022

U Deputy Commissioner (Supply), East Jaintia Hills District u pynbna paidbah ba la pyllait ia u Khaw u bym donkam ban siew eiei na ka skim PMGKAY na ka bynta u bnai Risaw (October) hapoh ka District.

Ka rukom sam ka long kumne, ia u AAY yn sam mar 5 kg shi khlieh tang ia kito ki ba don ka Card Rashon AAY bad ia u PHH yn sam 5 kg shi khlieh tang ia kito ki ba don Card Rashon PHH.

Shuh shuh, la kyntu ia ki paidbah ba ia une u Khaw (PMGKAY) ki dealer kim dei ban shim pisa eiei ruh na ki nongioh myntoi (beneficiaries), bad lada ki shem kum kita, ki dei ban ujor mar mar sha u Deputy Commissioner (Supply), East Jaintia Hills District khnang ban pynshitom ia ki kat kum ka ain ba la buh da ka sorkar.