La pyllait ia u khaw PMGKAY, NFSA bad Non-NFSA ha Amlarem

Syllad | The Rising MeghalayaMarch 7, 2022

Ka ophis Sub-Divisional Officer (Supply) jong ka Amlarem Sub –Division kala pynbna paidbah ba ia u Khaw ioh ei ne u khaw bym donkam siew eiei naka skim PMGKAY Scheme la pyllait paidbah na ka bynta u bnai (Lber) March, 2022 sha baroh ki longïing ki ba hap hapoh ka NFSA (AAY & PHH) naduh ka 3 tarik jong u bnai Lber (March) 2022 haduh ka 15 tarik u bnai Lber, 2022.

U bhah khaw naka bynta ki AAY ka long 5 kilo shi khlieh (Ym donkam siew pisa)

U bhah khaw naka bynta ki PHH ka long 5 kilo shi khlieh (Ym donkam siew pisa)

Shuh shuh ha kaba iadei bad u khaw rashon NFSA (AAY & PHH) bad Non-NFSA naka bynta u bhah jong u bnai Lber yn pyllait sha ki dukan die rashon (fair price shop) haduh 15 tarik Lber (March), 2022.

Ka bhah AAY kalong haka jingthew 35 Kgs shi iing haka dor T3/- shikilo.

Ka bhah PHH kalong haka jingthew 5 Kgs uwei u/ka briew haka dor T.3/- shikilo bad ia u khaw Non-NFSA haka dor bym dei ban palat iaka T.14/- shikilo.

La bthah iaki paidbah ban leit shim ia u khaw hala ki jong ki jong ki Fair Price Shop Centres bad kino kino ki bym ioh khaw ne ba shah oh dor tam kila ban ujor sha ka ophis SDO Supply da kaba kdew shai iaka kyrteng, ka shnong khnang baka ophis kan ioh ban pynshitom ia kino kino kiba donkti.