La pyllait ia u khaw rashon ha Amlarem Sub Division

Syllad | The Rising MeghalayaDecember 4, 2023

U Sub-Divisional Officer (Supply), Amlarem Civil Sub – Division da kane u pyntip ba ia u khaw rashon lyngba ka NFSA kata na ka bynta kiba don ia ka card (AAY & PHH) bad Non-NFSA kaba dei ka bhah na ka bynta u Naiwieng 2023 la pyllait lyngba ki dukan bam rashon jong ki mar ia poi ka mar.

Ia u khaw rashon na ka bynta ki AAY ha ka jingthew kaba 35 kilo shi iing khlem da donkam ban siewdor. Ia ki PHH yn pyllait ha ka jingthew kaba 5 kilo shi khlieh khlem da donkam siew dor. Katba ia u khaw Non NFSA ha ka dor ka ban ym palat ia ka T.14 shi kilo.

La kyntu ia ki nongbam rashon ba kin leit shim ia ka bhah na ki dukan rashon jong ki. Kino kino ki bym sam, kiba oh palat ia ka dor dei ban ujor mardor lyngba ka jingthoh sha ka ophis u Sub-Divisional Officer (Supply), Amlarem Civil Sub-Division da kaba pynapw ia ki kyrteng jong ki bad ia ka shnong jong ki khnang ba yn lah ban pynshitom pyrshah ia kiba pynkhein ain. Ia ki jingujor lah ban phah sha ki Sub-Inspectors- 9436110184 | 8731025753 Email: [email protected]