La pyllait ia u khaw rashon ha East Jaintia Hills

Syllad | The Rising MeghalayaSeptember 15, 2022

U Deputy Commissioner (Supply), East Jaintia Hills District u pynbna paidbah ba la pyllait ia u Khaw Ration na ka bynta u bnai Nailur (September), 2022 ha East Jaintia Hills District, Khliehriat.

Ka bhah khaw AAY yn sam 35 kilo shi ing shibnai ha ka dor T.3.00 tyngka shi kilo, ka bhah khaw PHH yn sam 5 kilo shikhlieh shibnai ha ka dor T.3.00 tyngka shi kilo, katba ia u Khaw Non- NFSA pat yn sam 7.215 kilo shiing- shibnai haka ka dor die Lang ka ba long T. 11.77 shi kilo bad ha ka dor die khutia ka ba long T.12.34 shi kilo.

Kumta, la kyntu ia ki paidbah ba lada ki lap ba ki dealer ne nongdie rason kim die kat kum ka dor lane kilo kaba ki dei ban ioh, ki dei ban ujor sha u Deputy Commissioner (Supply), ka East Jaintia Hills District lane phone sha u Toll free No. 1697, lane sha u District Grievances Officer ka East Jaintia Hills District.