La pyllait ia u khaw rashon ha EJH District

Syllad | The Rising MeghalayaAugust 17, 2020

U Deputy Commissioner (Supply), East Jaintia Hills District u pynbna paidbah ba la pyllait ia u Khaw Rashon na ka bynta u bnai August (Nailar) ha East Jaintia Hills District, Khliehriat.

Ka jingsam ka long kumne, ia u Khaw AAY yn sam 35 kilo shi ing shibnai ha ka dor Rs.3.00 tyngka shi kilo, ia u Khaw PHH yn sam 5 kilo shi khlieh shi bnai ha ka dor Rs.3.00 tyngka shi kilo, katba ia u Khaw Non- NFSA pat yn sam 7.215 kilo shi ing shi bnai haka ka dor Die Lang ka ba long Rs.11.77 tyngka shi kilo bad ha ka dor Die Khutia ka ba long Rs.12.34 tyngka shi kilo.

Kumta, la kyrpad ia ki paidbah ba lada shem ba ki Dealer kim die kat kum ka dor lane kg kumba la bthah ne kdew haneng, ki dei ban ujor sha u Deputy Commissioner (Supply), ka East Jaintia Hills District lane phone sha u Toll free No. 1697, lane sha u District Grievances Officer ka East Jaintia Hills District.