La pyllait iaka kot kaba thoh ka samla Rupda RY Lato

Syllad | The Rising MeghalayaSeptember 4, 2023

Ka kot kaba jer kyrteng ‘Phases’ kaba la thoh da ka Rupda RY Lato, samla kaba jop iakop thei bhabriew Rubaru Miss India Elite 2023 la pyllait paidbah iaka haka sngi Saitjain

U kongsan u ma Chibor Najiar, Superintending Engineer (PHE) Rural Division, Shillong ula pyllait paidbah ia kane ka kot haka jingialang kaba la long Iungwalieh ka Panaliar, Jowai.

Ia kane ka kot la die iaka ha Amazon bad Flipkart. 

U Riquoma Rq. Laloo kpa jong ka Rupda uba long ruh u waheh shnong ka shnong Panaliar ula pyniaid iaka jingialang ha jingiadonlang kiba haiing sem bad kiba shah khot sngewbha..

U Ma Laloo ula ong ba ka Rupda RY Lato ka sngewtynnad ban thoh naduh ba ka dang khynnah bad ka la pynmih teng ruh ia kawei ka kot kaba kyrteng Lie & Lost. Nalor kata ula ong kane prokram kadei shibynta ban kyntiew iaka jingleit iashim bynta ka Rupda sha Turkey, kum ka nongjop iaka nam Rubaru Miss India Elite 2023.

Ka Rupda RY Lato kala ong ba haka jingim ka don ka jingsngewbha bad ka jingsngewsih, hynrei kumno ban pyndonkam hok iaka por khnang ban lah ban pyndep ia kaei kaba la thmu.

U Wanbi Laloo ula ai iaka jingnguh blei bad iaka jingialang la pynwai da ki kyntien khublei na u Nikerda Laloo Lato.