La pyllait iaki helpline number ha East Jaintia Hills

Syllad | The Rising MeghalayaMay 11, 2024

Namar ka jingwan jong ka lyiur kaba lah ban wanrah ia ka jinghap slap kaba jur, ka jinghap phria, ‘eriong ‘erngit, ki jingshlei um, jingtwa khyndew bad kiwei pat, kumta na ka liang u Deputy Commissioner & Chairman District Disaster Management Authority (DDMA), East Jaintia Hills District, Khliehriat ha ka 10 tarik mynta u bnai u pyntip ba la pyllait ia u Helpline Number 1077/03655295142 ia kaba kito kiba shah ktah ha ki jingshah pynjulor ha ki bor ka mariang  ki lah ban phone na ka bynta ka jingshim kam da ki bor ba dei khmih hapoh kane ka district.

Lada jia ryngkat ba une u Helpline Number um treikam, na ka liang ka District Disaster Management Authority (DDMA) ka la aibor na ka bynta ban pyndonkam da ka Rapid Response Calls kum kawei pat ka lad ban pyndonkam kum kiwei pat ki number ban pntip haba jia kino kino ki jingjia shah pynjulor ha ki bor ka mariang hapoh ka district.

Kine ki number ki kynthup ia u 9774124321- District Disaster Management Officer, Khliehriat, 7005877634- Block Development Officer, Wapung C&RD Block, 9612106744- Block Development Officer, Saipung C&RD Block bad 794255590- Block Development Officer, Lumshnong C&RD Block.