La pyllait iaki parabangeit Katholik naka kamram ha Jyllaniam Shillong, kyntu ban buh jingduwai

Syllad | The Rising MeghalayaMarch 20, 2020

Ka jingsaphriang stet jong u khniang jingpang Coronavirus kala wanrah ia ka jingma ka bakhraw ia ngi baroh. Ngi donkam ka jingíatrei lang jong baroh na ka bynta ban pynduh ia kane ka jingpang da kaba bud ia ki jingbthah jong ka Sorkar bad ki jingkyntu jong ka North East Regional Bishop’s Conference la ai la kine ki jingbthah hapoh ka Jylaniam Bah Shilong.

Katkum kane ka jingbthah la pyllait ïa baroh ki Lyngdoh, Riewniam bad ki paid riewngeit Katholik jong ka Jyllaniam Bah Shillong na ka kamram ban iashim bynta ha ki jinglehniam Sngi u Trai bad ha ki Sngi Khuid baroh ba la teh haduh 31 tarik u Lber (March) 2020, ong u kyrwoh bala pyllait da u Fr. John Madur, Diocesan Administrator, Archdiocese of Shillong

La pyntip ba la pynsangeh noh ia baroh ki jinglehniam paidbah kum ka Lynti Diengphna ha ka Sngi Thohdieng, ki ritrit, ki Mass Sngi u Trai bad ki Seminar bad ki Jingíaseng ling haduh 31 tarik u Lber (March) 2020.

Ki lyngdoh kiba sngap ki dei ban iada la lade da kaba deng ki jingda shyntur (mask) bad da kaba bat ia ka jingingai ka babiang na ki nongphla. (Ym dei ban pyndonkam ia ka khet phla).

Ka Sngi u Trai ka dei ka sngi ba ngi dei ban sumar khuid. Kumta wat lada ngim lah ban shim bynta ha ka Mass Sngi u Trai, ngi dei dan Pyniong Ka Jingduwai. Ngi lah ban iaduwai lang kum ka ling ka sem. pule ia ka Ktien u Blei, duwal ia u Rosari, pynlong ka Lynti Diengphna ne kano kano ka jingduwai.

Ngi don ha ka Por Lent Bakhuid. Ai ba man ka Sng Thohdieng kan long ka sngi jingduwai bad ka sngi shah jingit, ban kyrpad ia ka Jingisynei jong u Blei bad ka jingpynkhiah jong U.

Ia kine ki jingbthah yn sa nang pynthymmai ha kaba sdang Jong u bnai laïong (April) 2020, katkum ka jingdonkam. Ha kajuh Ka por ngim dei ban tieng. hynrei ngin duwai shit rhem ha u Blei ba Un pynduh noh la une u khniang Jingpang coronavirus.