La pyllait Khaw & Dai ioh ei ha East Jaintia Hills District

Syllad | The Rising MeghalayaMay 15, 2020

U Deputy Commissioner (Supply), East Jaintia Hills District u pynbna paid bah ba la pyllait ia u khaw bad u dai u bym donkam ban siew eiei PMGKAY (Free of Cost) na ka bynta u bnai May, 2020 ha East Jaintia Hills District, Khliehriat.

Ka rukom sam ka long kumne,  ia u AAY yn sam 5 kg shi khlieh tang ia kito ki ba don ka Card Rashon AAY bad ia u PHH yn sam 5 kg shi khlieh tang ia kito ki ba don Card Rashon PHH.

Ha ka juh ka por la pyllait ia u dai (Pulses) u bym donkam ban siew eiei PMGKAY (Free of Cost)  na ka bynta u bnai May, 2020 ha East Jaintia Hills District, Khliehriat.

Ka rukom sam ka long kumne,  ia u AAY yn sam ia 1 kg shi Card tang ia kito ki ba don ka Card Rashon AAY bad ia u PHH yn sam 1 kg shi Card tang ia kito ki ba don Card Rashon PHH.

Kumta, la kyrpad ia ia ki paidbah ba lada ki shem ba ia une u khaw bad dai ki Dealer kim ai katkum ka kilo ba ki dei ban ioh lane ki pan pisa na, la bthah iaki paidbah ban ujor mar mar sha u Deputy Commissioner (Supply), East Jaintia Hills District khnang ban pynshitom ia ki kat kum ka ain ba la buh da ka sorkar