La pyllait khaw NFSA & PMGKAY ha Eastern West Khasi Hills

Syllad | The Rising MeghalayaJune 29, 2022

U Deputy Commissioner (Supply) ka Eastern West Khasi Hills District u pynbna paidbah ba la pyllait ia u khaw rashon hapoh ka National Food Security Act (NFSA) bad u khaw ioh ei na ka scheme PMGKAY na ka bynta u bnai Jylliew 2022.

Ka bhah khaw NFSA iaki ba don card PHH haka jingthew 5 kilo shi khlieh briew haka dor T. 3 shi kilo, ki AAY haka jingthew kaba 35 kilo kawei ka card ha ka dor T.3 shi kilo.

Katba ki Non-NFSA kalong haka jingthew kaba 7.215 kilo shi card ha ka dor T.13 shi kilo 

Katba u khaw ba duk-Pradhan Mantri Garib Kalyan Awaas Yojana (PMGKAY) yn sam mar san kilo sha kiba don card AAY bad PHH. Une u khaw u dei uba ai ei da ka sorkar sha ki nongioh myntoi.

Ka ophis u Deputy Commissioner (Supply) kala ong ba ki nongdie rashon (FPS Dealer) kim bit ban ai duna ne ot na ka bhah ba la buh ne mang da ka sorkar ha kaba iadei bad ka jingsam ia uno uno u marbam ba la ai lyngba ka shkim PMGKAY, NFSA bad Non- NFSA. La bthah ruh ia baroh ki FPS dealer ba kim dei ban pynduh khaw ia kito ki nongbam ki bym pat don ia u Aadhaar Card bad ia kito ki ba la pynjah ia ki ration card jong ki.

Ia ka bai kit bad bai kali ban pynpoi ia kine ki marbam hapoh jong kitei ki lai tylli ki skhim yn bei pisa da ka sorkar sha ki Wholesaler ne Dealer kumba ju leh na ka por sha ka por bad ha ka jaka sam khaw la bthah ba baroh kin ieng la kumno kumno shi mitar ka jingjngai iwei na iwei pat ha u lain. Shuh shuh baroh ki nongshim rashon kin hap ban deng ia ki jingda dur khmat (Mask) ha ki jaka sam khaw.

Lada lap ia kino kino kiba pynkhein iaki adong adit yn pynshitom katkum ka ain bad lada don kano kano ka jingujor halor ka jing bym thikna ka jingsam ia ki mar rashon, ki nongiohbhah ki lah ban phah da ka jingthoh sha u District Grievance Redressal Officer& Additional Deputy Commissioner (Supply), Eastern West Khasi Hills District, Mairang lane ki lah ban thep ha ka Complaint Box ba la buh da ka office u Deputy Commissioner (Supply).