La pyllait Khaw PMGKAY bad NFSA ha East Jaintia Hills

Syllad | The Rising MeghalayaJune 9, 2021

U Deputy Commissioner (Supply), East Jaintia Hills District u pynbna paidbah ba la pyllait ia u Khaw u bym donkam ban siew eiei na ka skim PMGKAY na ka bynta u bnai Jylliew (June) 2021 ha East Jaintia Hills District, Khliehriat.

Ka jingsam ia u Khaw AAY ka long 5kg shi khlieh tang ia kito kiba don ka Card Rashon AAY bad ia u Khaw PHH yn sam 5kg shi khlieh tang ia kito ki ba don Card Ration PHH.

Shuh shuh la pyntip ba ia u Khaw Rashon NFSA bad Non NFSA na ka bynta u bnai June (Jylliew), 2021.

Ka jingsam ka long kumne, ia u Khaw AAY yn sam 35 kilo shi ïing shibnai ha ka dor Rs. 3.00 tyngka shi kilo, ia u Khaw PHH yn sam 5 kilo shikhlieh shibnai ha ka dor Rs. 3.00 tyngka shi kilo, katba ia u Khaw Non- NFSA pat yn sam 7.215 kilo shiïing- shibnai haka ka dor die Lang ka ba long Rs. 11.77 tyngka shi kilo bad ha ka dor Die Khutia ka ba long Rs. 12.34 tyngka shi kilo.

La kyrpad ia ki paidbah ba lada shem ba ki Dealer ki shim pisa na u khaw PMGKAY bad duna kilo kumjuh ia u khaw NFSA bad Non NFSA lada ki nongbam rashon ki lap ba oh dor tam bad duna kilo pyntip mar mar sha ka ophis u Deputy Commissioner (Supply), ka East Jaintia Hills District lane phone sha u Toll free No. 1697, lane sha u District Grievances Officer ka East Jaintia Hills District.