La pyllait khaw PMGKAY ha East Jaintia Hills

Syllad | The Rising MeghalayaAugust 24, 2020

U Deputy Commissioner (Supply), East Jaintia Hills District u pynbna paidbah ba la pyllait ia u khaw u bym donkam ban siew eiei na ka skim PMGKAY na ka bynta u bnai August (Nailar), 2020 ha East Jaintia Hills District, Khliehriat.

Ka rukom sam ka long kumne,  ia u AAY yn sam 5 kg shi khlieh tang ia kito ki ba don ka Card Rashon AAY bad ia u PHH yn sam 5 kg shi khlieh tang ia kito ki ba don Card Rashon PHH.

Kumta, la kyrpad  ia ki paidbah ba lada ki shem ba ia une u Khaw ba ki Dealer kim ai katkum ka kilo ba ki dei ban ioh lane ki pan pisa, ki dei ban ujor mar mar sha u Deputy Commissioner (Supply), East Jaintia Hills District khnang ban pynshitom ia ki kat kum ka ain ba la buh da ka Sorkar.