La pyllait khaw rashon ha East Jaintia

Syllad | The Rising MeghalayaJuly 14, 2021

U Deputy Commissioner (Supply), East Jaintia Hills District u pynbna paidbah ba la pyllait ia u Khaw Ration na ka bynta u bnai Naitung (July) ha East Jaintia Hills District, Khliehriat.

Ka jingsam ka long kumne, ia u Khaw AAY yn sam 35 kilo shi ïing shibnai ha ka dor T. 3 shi kilo, ia u Khaw PHH yn sam 5 kilo shikhlieh shibnai ha ka dor T.3 shi kilo, katba ia u Khaw Non- NFSA pat yn sam 7.215 kilo shiing- shibnai haka ka dor dielang ka ba long T.11.77 shi kilo bad ha ka dor die khutia ka ba long T.12.34 shi kilo.

Kumta, la kyrpad ia ki paidbah ba lada shem ba ki Dealer kim die kat kum ka dor lane kg kumba la bthah ne kdew haneng, ki dei ban ujor sha u Deputy Commissioner (Supply), ka East Jaintia Hills District lane phone sha u Toll free No. 1697, lane sha u District Grievances Officer ka East Jaintia Hills District.