La pyllait khaw rashon ha East Jaintia Hills

Syllad | The Rising MeghalayaJuly 13, 2024

U Deputy Commissioner (Supply) ka East Jaintia Hills District, Khliehriat ula pynbna paidbah ba la pyllait ia u khaw rashon NFSA na ka bynta u bnai Naitung, 2024 hapoh East Jaintia Hills District, Khliehriat.

Ia u khaw AAY yn sam 35 kilo shi iing shibnai khlem da donkam ban siew pisa eiei, katba u bhah khaw khaw PHH yn sam 5 kilo shikhlieh shibnai khlem da donkam ban siew pisa eiei.

U bhah khaw Non-NFSA pat yn sam 7.213 kilo shi iing shibnai haka ka dor die lang ka ba long 12.00/- tyngka shi kilo bad ka dor die khutia pat kam dei ban palat ia ka 14.00/- tyngka shi kilo.

U DC (Supply) ula kyntu ia ki nongbam khaw rashon ba lada don kano kano ka jingbymhun halor ka rukom sam ia u khaw da ki nongsam katkum ki jingthew ba la buh, ki paidbah ki lah ban ujor sha u lane ki lah ban phone sha u nombor bym donkam ban siew pisa (Toll free No.), kata, u 1697 bad ki lah ruh ban ujor sha u District Grievances Officer ka East Jaintia Hills District.