La pyllait khaw rashon ha East Jaintia Hills

Syllad | The Rising MeghalayaFebruary 16, 2025

U Deputy Commissioner (Supply) ka East Jaintia Hills District u pynbna paidbah ba la pyllait ia u khaw rashon NFSA na ka bynta u bnai Rymphang 2025 hapoh East Jaintia Hills District.

Ka bhah khaw AAY ka long 35 kilo shi iing shi bnai bad ym donkam ban siew pisa eiei, u khaw PHH yn sam 5 kilo shikhlieh shibnai bad ym donkam ban siew pisa

Katba ia u khaw Non-NFSA pat yn sam 7.213 kilo shi iing shi bnai. Ka dor die lang ka long T.12.00/- shi kilo bad ka dor die khutia pat kam dei ban palat ia ka T.14.00/- shi kilo.

Lada don kano kano ka jingbymhun halor ka rukom sam ia u khaw da ki nongsam katkum ki jingthew bad ka dor ba la buh, ki paidbah ki lah ban ujor sha u Deputy Commissioner (Supply), East Jaintia Hills District lane ki lah ban phone sha u nombor bym donkam ban siew pisa (Toll free No.), kata, u 1697. Ki paidbah ki lah ruh ban ujor sha u District Grievances Officer ka East Jaintia Hills District.