La pyllait paidbah iaka kot ‘Ka lynti ka jingim’

Syllad | The Rising MeghalayaOctober 12, 2020

U Pastor CL Laloo ula pyllait paidbah iaka kot ‘Ka lynti ka jingim’ kaba la thoh da u tymmen basan jong ka Balang Jowai Presbyterian u MC Rymbui haka 9 tarik une u bnai ha iing sah jong u ha Mission Compound, Pohskur Jowai.

U MC Rymbui udei u nongthaw jingrwai, nongthoh drama bad kiwei kiwei, hynrei ka dei pat ka sien kaba nyngkong ia u ban pynmih paidbah da ka kot.

Ula thoh ia kane ka kot halor ka jingiaid lynti jong u mynta 60 snem kum u khun khristan bad ban pynsah nam ia I Mei I Pa jong u kiba la bam kwai ha dwar U Blei.

“Ban thoh iaka kot ka long kaba eh haduh katta katta namar ba hap ban puson bha bad ban pyllait iaka por, hynrei da ka jingialam lynti U Blei, nga la lah ban pynmih ia kane ka kot haki jingpyrshang ba bun sien ban thoh kot,” la ong u MC Rymbui.

Ula ong shuh shuh “Ka jingthmu ba nga thoh ia kane ka kot ka long kumno ban iatei ia ka jinglong jingim ba kynja mynsiem kum ki khun khristan.”