La pyllait paidbah iaka lucky draw ka Lion Mission Dorbar Chnong Jowai

Syllad | The Rising MeghalayaJuly 27, 2024

Ka Lion Mission Dorbar Chnong, Jowai kala pyllait paidbah iaki ticket lucky draw na ka bynta ban pynmih pisa ban tei iaki bynta ba shapoh jong auditorium cum sports and cultural hall jong ka shnong.

U ma Andrew A Shullai MDC JHADC kum u kongsan ula pyllait paidbah ia kine ki ticket lucky draw haka jingialang kaba long haka 26 tarik Naitung ha iing hall jong ka shnong. La iadonlang chairman fete committee u ma Dalammon Laloo, coordinator fete committee u ma DH Synrem, secretary fete u ma Pynhiam Kharkongor nalor kiwei kiwei.

Ka dorbar shnong Lion kala pynbeit ban pynkhalai ia kane ka lucky draw haka 25 tarik Risaw 2024. Ki khusnam ki kynthup iaka 1st prize T.1 lakh 50 hajar, 2nd prize T.70 hajar bad 3rd prize T.30 hajar. San tylli ki consolation prize mar T.5 hajar.

Ka dorbar shnong ka kyntu ia baroh ba ai jingkyrshan iaka shnong ban thied ia kine ki ticket lucky draw khnang ba ki jingthmu jong ka shnong kin long kiba iaid beit iaid ryntih.